 |
Despois dunha primeira edición rodeada de polémicas estériles, ás cales xa demos a resposta oportuna neste comunicado, deixando claro que a feira non só continúa, senón que se reafirma con máis forza e convicción. Fronte a quen pretende espallar o ruído e o desacredito, nós respondemos coa mellor das nosas armas: a cultura libre, a autoorganización e o encontro comunitario.
Nun contexto global e local onde o estado actual das cousas nos empurra cara á precariedade, á mercantilización da vida e á perda progresiva de dereitos e liberdades, faise máis urxente ca nunca abrir gretas na hexemonía do pensamento único. A Feira do Libro Anarquista e Social nace precisamente coa vontade de ser ese refuxio e altofalante: un espazo de pensamento crítico onde cuestionar as lóxicas do sistema, tecer redes de solidariedade e imaxinar alternativas reais desde a base.
Fronte ao ruído de fondo, a cultura libertaria segue en pé. Invitamos a toda a veciñanza de Vigo e contorna a achegarse, participar, debater e formar parte deste espazo aberto.
Agardámoste os días 9, 10 e 11 de outubro.
Saúde e Revolución
No hay comentarios:
Publicar un comentario